GAIJIN

Open Now

Now Closed

今日去到銅鑼灣呢間日本菜食晚餐，我就叫左個5 course meal，入面主打都係日本同西式食物。先黎既係一個餐包，有牛角蘇同埋忌廉包，淨係食呢包已經覺得餐廳好有誠意。頭盤係生蠔，上面配有青蘋果，灑小小鹽一齊食會食得出佢好清新，唔會有果又腥味之後黎既係日本白蝦刺身，下面整啲乾冰煙飄下飄下固然夠氣派，白蝦刺身配上青蘋果同魚籽，味道清新，甜甜地唔太酸真係唔錯。再黎就係煎帶子上面有三文魚籽，再配埋個汁，真係令你ready好食個主菜。主菜有好幾款選擇，我就揀左匈牙利捲毛豬扒，佢配有蕉糖蘋果，本身麻麻煮熟左既生果，點知個蘋果真係好食到停唔到口，焦糖味再加埋爽甜，再黎就係捲毛豬扒，肉味好濃配埋莓醬真係一流。係呢間環境氣氛都咁好既地方食飯，真係為週末充一充電。