權八居酒屋 (Moved) New Location

難得今日老闆請食飯，當然食好啲，到利園的權八日式餐廳。呢間餐廳我都已經食過幾次每次都唔會令我失望，今次我哋叫咗一個魚生刺身，厚切嘅刺身，新鮮而有口感，肉質鮮甜，光澤剔透。呢個刺身選擇咗高級嘅魚生，並唔係普通嘅刺身拼盤。另外在叫咗個天婦羅餐，有四隻天婦羅蝦，佢已經食咗幾次但係我都唔知道佢係咩長，淨係知佢嗰啲係有少少似豉油但係又有少少甜味，真係好好味。最正就係嗰啲炸蝦，係用新鮮嘅蝦，來做天婦羅，唔似一般嘅餐廳係用一啲下等嘅蝦去到做炸物。而且我最鍾意天婦羅就係佢嘅炸醬料好薄，絕對唔會掩蓋左食物嘅鮮味。餐後仲有一個小小嘅蛋糕，同埋一杯嘢飲。