扒王之王 (Closed)

食過幾次扒王之王，感覺係一間靚Ｄ裝修既茶餐廳，所以今次去其實冇抱任何期望咁去，結果果然係唔掂。四個人去，得一本餐牌，要慢慢傳閱。上左湯我都未開始飲，碟扒已經到。刀叉用膠袋密封袋住，感覺怪怪咁，同環境好唔夾，果然係高級茶餐廳。地台升高左，Ｄ侍應行過時，好似地震一樣。商場消費過$200有免費泊車，佢竟然是但俾張RECEIPT我，一時唔留意，走左先發覺我我地食左四百幾，張receipt原來唔係我地既，係一張百幾，唔夠我免費泊車既receipt。…..實在太多唔開心野！當其他餐廳排長龍，佢可以有位，一定有佢既原因，再去青衣城食飯，都係唔好貪快，去過第二間等位算啦。