Video
Read full review
2022-11-02
725 views
放工同朋友們一行四人，去咗尖沙咀食飯聚舊，大家都係食肉獸，食韓燒就最適合不過🔥。其中一人提議食「韓珍」，佢之前幫襯過，對餐廳讚不絕口。餐廳平日晚上都好爆場，人氣極高。呢度環境算唔錯，最重要係抽風系統好，食完個身都無一浸味👍，另外仲設有包箱房間。未正式開餐前，店員先端上一大堆韓式前菜小食，望落七彩繽紛🌈，而食落就非常開胃。🥗沙律菜大大碗，生菜翠綠，麻醬恰到好處。其他前菜仲有泡菜、菠菜、芽菜、酸蘿蔔、雞蛋紫菜卷同乾魚仔等🐟。韓式涼拌青瓜，青瓜浸泡於柚子汁之中🍊，中間夾雜住冬菇同紅椒，口感爽脆，而且味道甜甜的，相比起普通青瓜更顯清新🥒。宮廷九節板，呢個係古代嘅韓式宮廷料理，造型精緻。🍱叫得九節板就係指由多種食材組成，圓薄餅有一定厚度，口感煙韌，並可按自己喜好放上配料🫓，包括牛肉碎、紅蘿蔔、冬菇、翠玉瓜、蛋絲、芽菜同青瓜，而不得不提嘅係個芥末汁，加少少一齊食好搭調，兼且精神為之一振！醬油蟹配牛油飯，喺香港好少地方有得食醬油蟹，而有質素嘅更加係寥寥可數。韓珍特意聘請韓國師傅嚟港主理，醃製醬油蟹，口味正宗。🦀蟹肉味道超鮮甜，肉質軟綿，蟹膏澎湃，一啲腥味都冇。食完之後，蟹嘅鮮香一直停留喺口中，再食啖
放工同朋友們一行四人，去咗尖沙咀食飯聚舊，大家都係食肉獸，食韓燒就最適合不過🔥。其中一人提議食「韓珍」，佢之前幫襯過，對餐廳讚不絕口。
餐廳平日晚上都好爆場，人氣極高。呢度環境算唔錯，最重要係抽風系統好，食完個身都無一浸味👍，另外仲設有包箱房間。
未正式開餐前，店員先端上一大堆韓式前菜小食，望落七彩繽紛🌈，而食落就非常開胃。🥗沙律菜大大碗，生菜翠綠，麻醬恰到好處。其他前菜仲有泡菜、菠菜、芽菜、酸蘿蔔、雞蛋紫菜卷同乾魚仔等🐟。
韓式涼拌青瓜，青瓜浸泡於柚子汁之中🍊，中間夾雜住冬菇同紅椒，口感爽脆，而且味道甜甜的，相比起普通青瓜更顯清新🥒。
宮廷九節板
32 views
0 likes
0 comments
醬油蟹配牛油飯
29 views
0 likes
0 comments
醬油蟹配牛油飯，喺香港好少地方有得食醬油蟹，而有質素嘅更加係寥寥可數。韓珍特意聘請韓國師傅嚟港主理，醃製醬油蟹，口味正宗。🦀蟹肉味道超鮮甜，肉質軟綿，蟹膏澎湃，一啲腥味都冇。食完之後，蟹嘅鮮香一直停留喺口中，再食啖牛油飯🍚，又化成另一種滋味。
炸蛋梳乎厘，🍳梳乎厘蛋用鐵鍋裝住熱辣辣送上，雞蛋打到好鬆好泡，不過食落又唔算一浸風。梳乎厘蛋上面加咗塊熱溶芝士🧀，以添鹹香，但食到尾段就濃味咗啲，味道亦比較單調。
韓式薯仔煎餅
48 views
0 likes
0 comments
接住落嚟就係全晚嘅高潮部份😋：燒牛肉！我哋要咗三款唔同嘅牛，每款各有特色。值得一提嘅係佢連個燒烤爐都係靚嘢，易潔質地，唔易燒燶。呢度服務好好，如有需要，可請店員代勞燒烤。
90日熟成肉眼牛扒
17 views
0 likes
0 comments
90日熟成肉眼牛扒🥩，Dry-aged熟成嘅處理方法耗時及花功夫。店員介紹餐廳選用美國USDA Prime牛扒，屠宰後就迅速上飛機到香港，然後再放喺特定溫度下進行90日嘅發酵。你諗吓，啲牛扒要等成至少3個月先食得，難怪價錢會高🌟！
講咗咁多其實都只係紙上談兵，幾時都係放入口先最實際🙈。熟成肉眼扒無令人失望，佢所散發嘅肉味與別不同，牛味濃郁，油份好重，但並非指有好多肥膏，反而係有少少似鵝肝嘅香氣，好特別！同時，牛扒重300g，咁嘅Size先足以讓客人品嚐到完整嘅肉感🐮。市面上好少見拎一件咁厚嘅扒去燒，可惜我哋燒得輕輕過咗火，但件扒靚，所以影響不大。
調味特級牛肋骨
10 views
0 likes
0 comments
雪花牛肉，喺有比較嘅情況下，雪花牛相對平庸❄️，因為上面兩樣實在太出眾啦。牛肉片有質素，雪花紋理平均，食落多汁。呢款我建議可蘸燒烤醬或鹽粒食，吊一吊味，甚或包生菜食。
韓式豬手
18 views
0 likes
0 comments
葛根辣拌冷麵，🍜最後就係水冷麵，有原味或辣味可選。從圖片可清晰見到我揀咗辣味，皆因麵條同底汁均係一片紅，辣度顯著🌶，幸好可倒入麻醬同醋調和一下。葛根麵條稍為淋身，如果爽啲更佳。
線括嚟講，韓珍行高級韓國料理店嘅路線🇰🇷，採用上乘食材，配合埋地道嘅烹調手法，製作出各款佳餚。朋友果然識飲識食，無介紹錯，我哋全部都好滿意食物質素，過咗一個愉快嘅晚上😁。
Post
