GALBI TOWN

Open Now

Now Closed

餐廳環境簡潔新淨，地方相當大，座位闊落，坐得幾舒服，加上平板電腦落單，夠方便。餐廳會先送上韓國菜必定有嘅前菜，都幾豐富，有7,8種。當中當括薯仔沙律，小魚乾，辣泡菜，水泡菜等，最驚喜嘅係有韓式辣醬蟹🦀蟹嘅味道唔算好甜鮮，不過都冇腥臭味的。前菜中覺得最好味嘅係薯仔沙律🥰燒肉分別嗌左一份韓牛肉眼扒及豬頸肉🥩韓牛肉眼扒油脂都算豐富，牛肉味突出，對比日本和牛油脂感較低。但個人較喜歡和牛嘅油香肉嫩，食落入口即溶嘅感覺。豬頸肉正正常常，配合埋蒜片都香口好味。主食嗌左嫩豆腐湯，都幾足料，除左豆腐仲有雞蛋及不少蔬菜。味道鹹香，唔會太辣。食完飯餐廳仲會送上生果拼盆，包括橙、蘋果同梨🍊🍎🍐，全部切好晒，都幾貼心。整體餐廳食物質素都唔差，環境都唔錯，特別想讚下佢地個抽氣系統幾好，唔會成間鋪好重油煙👍🏼另外服務都幾好，韓國店員會幫手燒肉，唔洗膽心火喉控制得唔好。不過cp值唔算高，每份肉量都唔多，生菜亦要加錢。