Video
Read full review
2024-12-10
153 views
♡炑·Dinner Menu $1580/位❥先付：𐮛京都湯葉、三文魚子醬油漬、北海道馬糞海膽 - 湯葉其實就即係類似我哋平時食嘅腐皮，廚師以繁複工序新鮮製作，入口好滑。加埋三文魚子同埋海膽非常鮮甜。❥茶碗蒸：𐮛以新鮮紫菜、香菇、鮮百合製成嘅茶碗蒸，融合咗紫菜味風味特別。❥刺身：𐮛薄切蜜柑鯛 - 愛媛縣產，漁夫用蜜柑餵魚，食落去有蜜柑香味，第一片乜都唔好掂原汁原味咁食，真係有蜜柑嘅甜味好特別。不過魚味偏淡身，我都係覺得點豉油好食啲。𐮛針魚 - 淡路島產，配薑蔥蓉豉油食，質地結實及爽口。❥燒物：𐮛北海道帆立貝 - 配甜豆、檸檬汁、三文魚子 、紫洋蔥，火炙後帆立貝半生熟口感好好。❥揚物：𐮛北海道松葉蟹春卷 - 以春卷皮包裹滿滿嘅松葉蟹肉，加咗洋蔥碎同蟹膏，好少有呢種食法，非常好食。❥壽司四貫：𐮛深海池魚𐮛赤貝 中間夾住柚子𐮛鰤魚 柚子胡椒𐮛中拖羅 -入口即溶媲美大拖羅。❥釜飯：𐮛炸鮮馬友，加咗拖羅筋魚油，中間撈咗漬蘿蔔碎，師傅建議整碎佢溝埋食，咬落去有啲蘿蔔碎，口感好得意。魚油令個飯非常香。❥赤味噌湯❥甜品：𐮛九州蜜柑果凍 - 清新香甜，果凍直接用蜜柑皮盛載，唧埋
❥先付：
𐮛京都湯葉、三文魚子醬油漬、北海道馬糞海膽 - 湯葉其實就即係類似我哋平時食嘅腐皮，廚師以繁複工序新鮮製作，入口好滑。加埋三文魚子同埋海膽非常鮮甜。
❥茶碗蒸：
𐮛以新鮮紫菜、香菇、鮮百合製成嘅茶碗蒸，融合咗紫菜味風味特別。
❥刺身：
𐮛薄切蜜柑鯛 - 愛媛縣產，漁夫用蜜柑餵魚，食落去有蜜柑香味，第一片乜都唔好掂原汁原味咁食，真係有蜜柑嘅甜味好特別。不過魚味偏淡身，我都係覺得點豉油好食啲。
𐮛針魚 - 淡路島產，配薑蔥蓉豉油食，質地結實及爽口。
❥燒物：
𐮛北海道帆立貝 - 配甜豆、檸檬汁、三文魚子 、紫洋蔥，火炙後帆立貝半生熟口感好好。
❥揚物：
𐮛北海道松葉蟹春卷 - 以春卷皮包裹滿滿嘅松葉蟹肉，加咗洋蔥碎同蟹膏，好少有呢種食法，非常好食。
❥壽司四貫：
𐮛深海池魚
𐮛赤貝 中間夾住柚子
𐮛鰤魚 柚子胡椒
𐮛中拖羅 -入口即溶媲美大拖羅。
❥釜飯：
𐮛炸鮮馬友，加咗拖羅筋魚油，中間撈咗漬蘿蔔碎，師傅建議整碎佢溝埋食，咬落去有啲蘿蔔碎，口感好得意。魚油令個飯非常香。
❥赤味噌湯
❥甜品：
𐮛九州蜜柑果凍 - 清新香甜，果凍直接用蜜柑皮盛載，唧埋個蓋嘅果汁落去食啖啖蜜柑果汁。
食Omakase緊係要開始酒🍶 呢度嘅Sake選擇都幾多，仲有靚酒杯自選。另外平時食Omakase好少有多樣化嘅追加菜式選擇，呢度有少量廚師推介創意菜式可以追加💕
Post
