Video
Read full review
2024-03-20
284 views
✨懶人包總結👼🏻 暫時係我嘅川菜天花板！一次過試到多款創意川菜，菜式華麗登場，打卡之餘味道亦相當出色😍 我食辣程度係BB級，而椒宴以花椒為主，香口而唔覺得死辣！最後有花椒糖作為小禮物。呢個價錢食到咁多款高水準功夫菜，個人認為物超所值！－:+:－:+:－:+:－:+:－:+:－:+:－🌟椒宴 ✨開胃菜奉上蜜瓜同乳酸Mocktail以清新味蕾。✨涼菜-成都泡菜👍🏻👍🏻 清爽，微辣，咬落去多汁。-燈影魚片 👍🏻係燈光映照下微微透光，不得不佩服師傅嘅刀工！-燒椒皮蛋👍🏻使用有機皮蛋，清香而且無腥味，椒香味十足。-椒麻鱔絲「怪味」甜酸麻辣，層次豐富。✨魚子醬雞牛湯凍👍🏻使用本地牛肉、四川魚子醬、泡菜，鵝肝醬、鮑魚等等食材，以中西合璧手法呈現美食。✨蝴蝶竹蓀湯係一道國宴菜菜式，使用豬肉、豬骨、金華火腿、白菜等熬煮8小時。湯汁清香淡雅，不帶一點雜質。試一啖原味後再加入山椒精油，提昇鮮味，味道類似香茅同檸檬葉。而蝴蝶亦都係廚師以魚肉製作而成。✨大千乾燒關東參👍🏻👍🏻👍🏻靈感來自美食家張大千既菜單，參考大千乾燒魚嘅做法再作改良。關東參香軟無比，不費吹灰之力就可以切開。蘸上炸過既黑毛豬粒同杏鮑菇底汁，香口
暫時係我嘅川菜天花板！一次過試到多款創意川菜，菜式華麗登場，打卡之餘味道亦相當出色😍 我食辣程度係BB級，而椒宴以花椒為主，香口而唔覺得死辣！最後有花椒糖作為小禮物。呢個價錢食到咁多款高水準功夫菜，個人認為物超所值！
－:+:－:+:－:+:－:+:－:+:－:+:－
🌟椒宴
✨開胃菜
奉上蜜瓜同乳酸Mocktail以清新味蕾。
✨涼菜
-成都泡菜👍🏻👍🏻
清爽，微辣，咬落去多汁。
-燈影魚片 👍🏻
係燈光映照下微微透光，不得不佩服師傅嘅刀工！
-燒椒皮蛋👍🏻
使用有機皮蛋，清香而且無腥味，椒香味十足。
-椒麻鱔絲
「怪味」甜酸麻辣，層次豐富。
✨魚子醬雞牛湯凍👍🏻
使用本地牛肉、四川魚子醬、泡菜，鵝肝醬、鮑魚等等食材，以中西合璧手法呈現美食。
✨蝴蝶竹蓀湯
係一道國宴菜菜式，使用豬肉、豬骨、金華火腿、白菜等熬煮8小時。湯汁清香淡雅，不帶一點雜質。試一啖原味後再加入山椒精油，提昇鮮味，味道類似香茅同檸檬葉。而蝴蝶亦都係廚師以魚肉製作而成。
✨大千乾燒關東參👍🏻👍🏻👍🏻
靈感來自美食家張大千既菜單，參考大千乾燒魚嘅做法再作改良。關東參香軟無比，不費吹灰之力就可以切開。蘸上炸過既黑毛豬粒同杏鮑菇底汁，香口惹味，好驚喜🥹
✨土罐貢椒乳鴿👍🏻
四川傳統過節菜式之一，一打開蓋就有香氣撲鼻而來。乳鴿皮脆肉嫩，微微辣，相當滋味。
✨青花椒麒麟魚
以青花椒同蠶豆泥打成醬汁，再用立鱗燒做法處理，外皮似薯片咁香脆，肉質依然保持嫩滑，醬汁香辣有層次！醬汁味道較濃，稍微遮蓋魚肉本身味道。
✨老成都水煮牛肉 👍🏻
醬汁調味恰好，牛肉亦唔會乾柴，配搭蓮藕同土豆片等等食材，會想一口接一口繼續咁食。
✨野生椒素炒千年銀杏配九年野生百合 👍🏻👍🏻👍🏻
好有趣，食材切成俄羅斯方塊嘅形狀。銀杏來自自家種植嘅千年古樹，有嚼勁，清甜。我本來就係銀杏愛好者，呢個係我人生食過最好食嘅銀杏，回味無窮🥹🥹
✨無鹽菜煨飯
類似四川煲仔飯咁，配搭蘿蔔乾甜甜地，味道更豐富。
✨甜品
-麻婆豆腐冰淇淋
以新鮮豆腐製作、再加入花椒精油，清香冰涼又帶點花椒香嘅刺激。
-椒茶
每一口都有微微椒香，相當特別。
-杏仁薄脆·花椒朱古力·雪米糍
上場方式相當華麗，係用一個大啤梨裝住🍐
由前菜到甜品都係一絲不苟，製作認真，感受到花椒唔同嘅個性。每食完一道都好期待下一道菜式，絕對會同朋友再嚟！
Post
