六公館

Open Now

Now Closed

第一次食六公館，馳名餐廳，裝潢六非同凡響。餐廳位置海港城向玩具反斗城方向行到盡頭，再落地下就到餐廳。餐牌都係散叫，參考過食評，決定叫左幾項菜式：法國龍眼蜜煎金蠔($228)蠔煎到金香，有蜜汁點綴，令味道更昇華更一境界。天竹蘭花膠海螺竹絲雞($238)一人份靚湯，分量十足，花膠仲又大又厚，湯味又夠清香💯桂圓燴和牛臉頰($298)集補身、營養及味道多種元素的一道菜，牛臉頰提供鐵質，煮法配有桂圓紅棗可補身，烹調味道又夠香，完美！松茸羊肚菌海膽繪飯($308)最期待一道主菜，又有好多羊肚菌，海膽大大件，混合繪飯一齊食，百種味道在口中，食完好滿足感覺。杏汁木瓜燉雪蓮子($148)完隻木瓜上已經夠誠意，杏汁甜度剛剛好，仲載有滿滿雪蓮子，食完都覺得皮膚白滑左。