高興+ (Closed)

難得母親節可以一家人外出晚飯，揀咗呢間西餐比屋企人試吓，唔洗成日節日慶祝都食中餐。我哋揀咗4人餐開心食，睇咗大餐牌覺得呢個餐幾抵食，選擇困難嘅我嘅又唔洗點揀食咩，十分好餐湯中規中矩，沙律好大碟好好味，牛扒五成熟啱啱好，保持到肉汁唔鞋口，豬扒同意大利海鮮飯都幾好味，黑松露雜菌意大利粉就有啲漏，食淨咗少少，唯獨是甜品差啲，係現成嘅布甸，無咩驚喜啦。之前未曾食過呢間，難得味道又幾好，媽媽都好滿意，而且安排我哋坐嘅位置為都好舒適，店員又好有禮貌會再嚟幫襯！