Poking

前幾日做完yoga朋友帶左我去一間夏威夷蓋飯餐廳Poking。第一次食夏威夷蓋飯，感覺有啲似cafe賣既enery bowl或者日本餐廳既壽司丼，主打健康路線，材料新鮮，高蛋白質，好適合想減脂嘅人，完全符合而家嘅飲食潮流🤣 飯底選擇好豐富，可以揀壽司飯、糙米飯、蕎麥麵、沙律菜🥗我地試咗“I Am Greedy”蓋飯，真係好豐富！三文魚、吞拿魚、鮮蝦、蟹柳沙律、蟹籽、雞蛋絲、青瓜、枝豆，再加埋芝麻，食落去口感層次好豐富 ，一次過滿足你唔同願望🤣仲有“Salmon the Classic”，有三文魚、牛油果、青瓜、檸檬同芝麻，簡單又好味，三文魚大大件又好新鮮，而且份量十足！😍我試咗佢哋嘅南瓜湯，足料又Creamy，喝落去暖心又暖胃。如果唔想食凍嘢，餐廳仲有warm bento可以揀，都幾多選擇，特別啱天氣凍嘅時候。