巴剎雞飯 (Closed)

海南雞飯就食得多，今次試下不一樣嘅巴剎雞飯。雖然打正旗號係巴剎雞飯，但其實食物種類係有好多嘅。巴剎雞- 半隻$120去哂骨食得十分方便，份量亦足半隻雞嘅肉。肉質爽滑，就算連雞胸嘅部位都整得好嫩。可以自由配搭醬油，辣汁或者特製醬一齊食。另外配埋一碗雞湯，建議可以加少少店舖自家炒嘅黑胡椒粒，超級香。炸肉撈麵 $56呢種口味嘅炸肉第一次食，一口一舊幾過癮。肉嘅肥瘦均勻，口感啱啱好。撈麵亦都唔會太淋太漿，醬油同調味都較得唔錯。皮蛋湯餃 $46如果鐘意食皮蛋嘅話一定要叫，隻隻都足料有一瓣皮蛋，每隻都又飽滿又好食。其實仲有炸嘅皮蛋餃，不過唔想太熱氣就叫湯，不過炸應該會仲香。炭燒沙嗲 -豬肉$48沙嗲食得多，用爐熱住上檯嘅串燒，就第一次，夠哂細心。沙嗲醬係花生味較濃嘅，肉嘅腌料亦好強嘅香料味。咖央椰絲手抓餅$28甜品必選，咖央醬配搭手抓餅食落比多士無咁飽無咁heavy, 手抓餅口感酥脆，一口一舊啱啱好。