Video
Read full review
2018-11-03
593 views
雖然搬咗黎附近一年，但通常星期六、日下晝食晏，都係去第二街、第三街食碗麵咁就算，夜晚先會去高街食飯。但上星期六，有朋友專程過嚟搵我，話想試吓高街啲餐廳，咁我就即刻諗起Flying Pig，去過好幾間高街啲餐廳食晚飯，但一直對Flying Pig印象較深，所以朋友專程過黎，就帶佢去試一試。一直好鍾意Flying Pig嘅裝修，係高街都算別樹一格，因為間餐廳係走輕鬆路線，同其他餐廳與別不同，特別啲壁畫畫得好開心（飛天豬），所以朋友都好滿意可以係度食一個輕鬆既午餐。我就叫左一個午餐，首先有一個南瓜湯，個南瓜湯好濃，而且南瓜味好重，可以見得真材實料。然後再黎一份墨西哥卷餅，份量夠之餘，仲非常好味，老實講，三個月前我去咗墨西哥，食嘅墨西哥卷餅，有時都無呢一份咁好食，所以喜出望外，個墨西哥卷餅仲有好多沙律菜，對於午餐唔想食得咁heavy嘅我， 十分啱心水。我朋友就冇叫到午餐，我推介佢食wild mushroom pappardelle，因為我上次食過覺得好正，睇落去已經覺得個汁好豐富，蘑菇有好多，一食就知係用心之作。另外，餐廳職員服務好好，有一個外籍男職員經常同我地傾計，好關心我地覺得食物合唔合乎
一直好鍾意Flying Pig嘅裝修，係高街都算別樹一格，因為間餐廳係走輕鬆路線，同其他餐廳與別不同，特別啲壁畫畫得好開心（飛天豬），所以朋友都好滿意可以係度食一個輕鬆既午餐。
我就叫左一個午餐，首先有一個南瓜湯，個南瓜湯好濃，而且南瓜味好重，可以見得真材實料。然後再黎一份墨西哥卷餅，份量夠之餘，仲非常好味，老實講，三個月前我去咗墨西哥，食嘅墨西哥卷餅，有時都無呢一份咁好食，所以喜出望外，個墨西哥卷餅仲有好多沙律菜，對於午餐唔想食得咁heavy嘅我， 十分啱心水。
我朋友就冇叫到午餐，我推介佢食wild mushroom pappardelle，因為我上次食過覺得好正，睇落去已經覺得個汁好豐富，蘑菇有好多，一食就知係用心之作。
另外，餐廳職員服務好好，有一個外籍男職員經常同我地傾計，好關心我地覺得食物合唔合乎水準。每人百幾蚊食得好，又食得開心，無令專程黎既朋友失望！
Post
