大將

Open Now

Now Closed

食肉獸朋友之前試過呢間日式火鍋後，好推薦，係甘叫我點都要去食下。今日就一於食佢，塞住佢把口。食完之後，朋友果然無介紹錯，真係值得一試！揀左澳洲和牛牛小排150分鐘放題，d牛認真無得輸，款款都係雪花式的油脂分布，入口十分嫩滑，但又唔會有油膩感。豬類既肉片同雞肉初時以為會一般，點知有驚喜，豬爽滑，雞肉嫩，除左牛肉外，呢兩樣絕對可以再encore。海鮮類入面，杭州黑魚片第一次聽&見，肉質估佢唔到，係嫩滑到不得之了，入口即溶甘濟，一d都唔腥，好味！日本帶子鮮甜，沙白好新鮮完全無沙。響鈴名付其實真係即炸，好香脆，就甘即食都可以。最後食埋個雪糕埋味，大滿足！