金船長餐廳 (Closed)

平時都有黎開金船長到食野，下午茶價格唔貴，但質素都好好，好好食因為平日下午茶時間就冇咩人，所以一入到去就基本上一定有位，今次我同朋友就叫左一個忌廉汁海鮮意粉同一個焗吞拿魚芝士蒜蓉多士。忌廉汁海鮮意粉我就差唔多次次都叫，因為個汁真係好好食，食極都唔厭。焗吞拿魚芝士蒜蓉多士就第一次叫，都幾好食，下次應該都會再叫。忌廉汁海鮮意粉  $36呢個超級推薦，雖然海鮮款式唔多，都係蝦、蜆、魷魚，但呢個價格都算唔少料。個汁係重點，超重忌廉味，勁正，我次次都係為左個汁黎食。焗吞拿魚芝士蒜蓉多士  $38呢個都幾多吞拿魚，同埋應該係即刻焗，黎多果時仲係脆嘅。