Video
Read full review
2022-05-31
1578 views
今晚嚟到位於旺角剛剛喺一月份新開嘅茶皇殿食晚飯，新派洒樓裝修，地方大，環境非常舒服，專登嚟食海鮮，最開心就係見到魚缸好多新鮮生猛嘅海鮮，就知道一定食到好嘢😋Menu最吸引我嘅係海鮮孖寶，好多唔同款嘅海鮮組合，同埋價錢係非常相宜，當你見到上枱嘅份量，心諗點解可以咁抵食，當然食物質素亦係一個重點，我就非常滿意今日既嘅水準，相當高質，海鮮大餐真係性價比超高，這裏非常適合三五知己或者一大班人一齊食飯👍🏻👍🏻特別一提係佢哋嘅服務態度，經理逐一推介有乜嘢好食，材料喺邊度嚟，好有禮貌，姐姐亦會周不時問你啲嘢好唔好食，就係鍾意食嘢有呢種氣氛👍🏻👍🏻▪️招牌海鮮孖寶 $ 468🦞上湯焗澳洲龍蝦伊麵底龍蝦同埋伊麵份量真係好多，抵食到呢，龍蝦爽口彈牙，食得出係非常新鮮，充滿鮮味，伊麵吸收晒龍蝦同埋上湯嘅精華，真係必食推介🐧至尊燒鵝王燒鵝佢係寫例牌，但係上枱差唔多有成半隻，燒鵝食落有煙熏味道，喜歡，皮脆肉厚，肉質非常淋滑同埋夠入味，點埋酸梅醬，超級正🦪▪️八頭南非鮑魚 $ 96鮑魚好大隻，肉質軟淋彈牙，用陳皮加蔥絲清蒸，加少少豉油熟油增添鮮味👍🏻🦪▪️四頭大元貝 $ 76經理推介今日好新鮮大大隻好扺食，元貝真係肥大
今晚嚟到位於旺角剛剛喺一月份新開嘅茶皇殿食晚飯，新派洒樓裝修，地方大，環境非常舒服，專登嚟食海鮮，最開心就係見到魚缸好多新鮮生猛嘅海鮮，就知道一定食到好嘢😋
Menu最吸引我嘅係海鮮孖寶，好多唔同款嘅海鮮組合，同埋價錢係非常相宜，當你見到上枱嘅份量，心諗點解可以咁抵食，當然食物質素亦係一個重點，我就非常滿意今日既嘅水準，相當高質，海鮮大餐真係性價比超高，這裏非常適合三五知己或者一大班人一齊食飯👍🏻👍🏻
特別一提係佢哋嘅服務態度，經理逐一推介有乜嘢好食，材料喺邊度嚟，好有禮貌，姐姐亦會周不時問你啲嘢好唔好食，就係鍾意食嘢有呢種氣氛👍🏻👍🏻
▪️招牌海鮮孖寶 $ 468
🦞上湯焗澳洲龍蝦伊麵底
龍蝦同埋伊麵份量真係好多，抵食到呢，龍蝦爽口彈牙，食得出係非常新鮮，充滿鮮味，伊麵吸收晒龍蝦同埋上湯嘅精華，真係必食推介
🐧至尊燒鵝王
燒鵝佢係寫例牌，但係上枱差唔多有成半隻，燒鵝食落有煙熏味道，喜歡，皮脆肉厚，肉質非常淋滑同埋夠入味，點埋酸梅醬，超級正
🦪▪️八頭南非鮑魚 $ 96
鮑魚好大隻，肉質軟淋彈牙，用陳皮加蔥絲清蒸，加少少豉油熟油增添鮮味👍🏻
🦪▪️四頭大元貝 $ 76
經理推介今日好新鮮大大隻好扺食，元貝真係肥大肉厚，蒸得剛好，非常多汁鮮味，配吸哂汁粉絲金銀蒜一齊食，太好食了
🫓▪️金磚豆腐粒 $ 58
豆腐炸得外脆，內軟滑，充滿豆香，配合炸蒜，更加香口，可單食或點喼汁一樣咁好味
🥒▪️手帕青瓜海蜇 $ 58
開胃前菜，蒜蓉青瓜爽脆Juicy ，芝麻海蜇彈牙，加上麻油醬油，胃口大開
✨一定會再帶家人和朋友再度回訪，環境一流，食物質素高又抵食，聚餐首選✨
Post
