禮記 (Closed)

噚晚收工去將軍澳探朋友, 佢帶我去咗呢間中菜館,聽聞呢間餐廳有位擁有任職米芝蓮星級粵菜餐廳經驗的主廚,相信食物質素有保證。餐廳裝潢雅致, 座位闊落, 感覺好舒適。我地首先叫咗玫瑰荔枝茶, 玫瑰香氣撲鼻, 但係明顯喝下去的茶是充滿荔枝味, 個人好鍾意呢壺玫瑰荔枝茶。我地叫咗: 鐵板蜜餞叉燒、椒鹽大海蝦、蟹肉扖西蘭花鐵板蜜餞叉燒: 甫上枱, “炸炸聲”的, 見到大量蜜糖圍在叉燒旁邊被鐵板的熱力迫出好多泡泡, 非常吸睛。作為喜歡食蜜汁叉燒嘅我, 真係好欣賞呢種浸泡在蜜糖裡嘅半肥瘦叉燒,鐵板燒得好熱, 叉燒就算放久了, 仍然夠熱, 少少的燶邊要大加分。椒鹽大海蝦: 海蝦肉質彈牙, 開邊炒,椒鹽味十足, 蝦頭都很濃味, 食得好滋味。蟹肉扖西蘭花: 呢碟小菜就比較淡味, 蟹肉較少, 清清淡淡的。夜市人客不多, 可以靜靜的和朋友暢所欲言。侍應服務貼心。