Video
Read full review
2023-06-25
843 views
🍽️ 采悅軒 YUE 📍東涌怡東路9號香港東涌世茂喜來登酒店2樓-難得staycation又有dining Credit，一於約埋屋企人一齊試吓喜來登嘅中菜😍😍💫 燈影藕片（$98）好特別既蓮藕片！唔單止外表係透明嘅，連味道都好得意！入口係甜甜地嘅，感覺到蓮藕片好似有一浸蜜糖包住，慢慢就會食到有辣味滲出來😚😚係一個好得意嘅前菜，但係試一次就夠了😅😅💫蜜餞西班牙黑毛豬叉燒（ $288）叉燒非常軟熟，有香濃嘅蜜糖味🤤🤤仲有少少燶邊，又脆又香甜🫶🏻🫶🏻份量亦都唔少！整體嚟講唔錯！旁邊仲有一啲豆豆，夾埋叉燒一齊食可以中和甜味😋😋非常之balance 🤌🏻🤌🏻🤌🏻💫砂鍋蝦醬蘭度桂花蚌（$368）呢個係我今日嘅最愛！原來蘭度即係芥蘭莖切段🤓🤓超級好味！餐廳將所有芥蘭嘅皮都批走咗， 每一條蘭度都非常幼嫩😍😍桂花蚌爽口彈牙有口感😋😋再加埋惹味蝦醬！完美🤩🤩🤌🏻🤌🏻💫砂鍋中式燴牛尾（ $298 ）呢一味一上枱， uncle已經係咁話好吸引🤣🤣🤣果然牛尾非常軟腍入味，軟骨位置亦相當有口感😍😍就連配菜薯仔同埋洋蔥都係亮點🌟薯仔煎過，香口得來做到外脆內軟，洋蔥甜得來又唔會太腍，保留爽脆口感👍🏻💫自家製羊肚菌醬煎
📍東涌怡東路9號香港東涌世茂喜來登酒店2樓
-
難得staycation又有dining Credit，一於約埋屋企人一齊試吓喜來登嘅中菜😍😍
💫 燈影藕片（$98）
好特別既蓮藕片！唔單止外表係透明嘅，連味道都好得意！入口係甜甜地嘅，感覺到蓮藕片好似有一浸蜜糖包住，慢慢就會食到有辣味滲出來😚😚係一個好得意嘅前菜，但係試一次就夠了😅😅
💫蜜餞西班牙黑毛豬叉燒（ $288）
叉燒非常軟熟，有香濃嘅蜜糖味🤤🤤仲有少少燶邊，又脆又香甜🫶🏻🫶🏻份量亦都唔少！整體嚟講唔錯！旁邊仲有一啲豆豆，夾埋叉燒一齊食可以中和甜味😋😋非常之balance 🤌🏻🤌🏻🤌🏻
💫砂鍋蝦醬蘭度桂花蚌（$368）
呢個係我今日嘅最愛！原來蘭度即係芥蘭莖切段🤓🤓超級好味！餐廳將所有芥蘭嘅皮都批走咗， 每一條蘭度都非常幼嫩😍😍桂花蚌爽口彈牙有口感😋😋再加埋惹味蝦醬！完美🤩🤩🤌🏻🤌🏻
💫砂鍋中式燴牛尾（ $298 ）
呢一味一上枱， uncle已經係咁話好吸引🤣🤣🤣果然牛尾非常軟腍入味，軟骨位置亦相當有口感😍😍就連配菜薯仔同埋洋蔥都係亮點🌟薯仔煎過，香口得來做到外脆內軟，洋蔥甜得來又唔會太腍，保留爽脆口感👍🏻
💫自家製羊肚菌醬煎琵琶豆腐（ $238 ）
羊肚菌醬好香，但琵琶豆腐冇咩特別😅😅
💫桂花瑤柱炒新竹米粉（ $288 ） 新竹米粉幼細得來有煙韌口感，配合瑤柱同埋炒蛋😍😍雖然就咁食比較清淡😅😅但係加埋本身就放喺枱上面嘅辣椒醬同豆瓣醬就完美👍🏻👍🏻🤤🤤
💫香蜜雞蛋散（八件）（ $58 ）
鬆脆到用叉吉唔到🤣🤣🤣雖然有八件蛋散，但係充滿空氣感，食完都唔會覺得太甜太膩👍🏻👍🏻👍🏻蜜糖帶有花香，係一個高質嘅中式甜品
-
🌟服務態度一流，員工非常有禮貌👍🏻👍🏻
🌟環境都幾靚！部份座位可以望到海，可惜嘅係今晚坐嘅位置咁啱比酒店嘅其他建築擋住咗視野，淨係睇到少少海
🌟如果平時就咁嚟食，真係有啲貴😅😅不過佢份量幾足嘅👍🏻👍🏻 有dining credit 真係不妨一試😍😍
推薦指數：5/5
抵食指數：3/5
#foodloverin852 #852 #foodie #hongkong #TungChung #東涌 #東涌餐廳 #東涌好去處 #東涌美食地圖 #采悅軒 #YUE #東涌喜來登酒店 #Sheraton #MarriottBonvoy
Post
