尋魚記 (Under Renovation)

呢日同朋友去左屯門呢間尋魚記食dinner，餐廳既環境唔錯，乾淨又光猛。打開餐牌，見到有好多選擇。餐廳用qr code 落單，好方便。黎呢間餐廳當然要食佢招牌魚啦，我哋點咗松子大黃魚，大黃魚炸到好香脆，入面魚肉鮮嫩，酸甜既醬汁加上松子既香氣，非常開胃。飄香樟茶鴨都好正，外皮乾身唔油膩，鴨肉都好香，將鴨肉放入可愛既小饅頭入面一齊食，層次豐富。最後，仲點咗黃金四季豆，四季豆加入鹹蛋黃醬一齊炒，非常惹味。呢啲咁好味既餸撈飯食一流，下次再encore!