備長

Open Now

Now Closed

今晚去完鍋鑼灣行完街，見到樓上鋪有間唔錯嘅居酒屋，所以上去試吓。前菜 分別有椰菜，紅羅白同青瓜，點佢地嘅秘制麵豉醬一齊食，又幾青爽，幾fresh。燒飯團 有幾隻味選擇，我就選咗明太子，飯團外皮燒到脆卜卜，似飯焦，都幾正，而d明太子都幾多同足料。汁燒魷魚筒 個燒汁好正，帶出魷魚嘅香味，魷魚都幾大隻，食落唔會韌，燒得啱啱好。壽司盛 d魚生勁新鮮，d魚好肥美，吞拿魚色澤好靚，一睇就知好新鮮，三文魚都係厚切，食落口感油脂豐富，甜蝦都幾大隻，鮮甜，整體全部壽司都幾高質。燒牛肋骨 牛肉好淋，燒到啱啱好，完全冇燒到overcook,仲保留咗好多肉汁，好重牛味。露荀豬肉卷 燒到面頭有少少焦香，配埋爽脆嘅露荀，所以食落一d都唔油膩。明太子雞翼 個雞皮脆卜卜，而入面雞肉勁嫩滑，明太子釀落雞翼，脹卜卜，食落好match,好味。雞骨豬肉腸 呢款幾特別，有支雞骨串落豬肉腸果度，食落好juicy,幾香豬肉味。軟殼蟹天婦羅 size都幾大隻,天婦羅炸粉唔算太厚，食落非常脆口，唔錯。