海街丼 (海光街) (Moved) New Location

海街丼係東京過江龍，餐牌主打魚生丼，亦有沙律、揚物同小食等食物提供。餐廳採用居酒屋木系裝潢，仲有吧枱設計，並以富日本風味嘅布藝作裝飾。店員好nice，細心介紹餐牌同食法❤️海寶丼嘅食法首先混合醬油同芥末，試試魚生的鮮味；然後再將特製「壽司醋果凍」溶入米飯；食到咁上下，再加入餐廳用鮮魚秘製嘅「魚介出汁」，混成茶漬飯享用❤️一飯兩食，非常滋味。醬汁吞拿魚丼 $190材料有少辣嘅醬汁吞拿魚、吞拿魚蓉同三文魚籽🤩份量十足，醬汁吞拿魚色澤鮮紅，肉質充滿彈性，魚味濃郁鮮甜，醬汁的鹹香令吞拿魚的鮮甜更加突出；吞拿魚蓉同三文魚籽撈飯食一流。吞拿魚蓉丼 $150材料有吞拿魚蓉、三文魚籽、青瓜同紫菜🥰鮮美的吞拿魚蓉放於白飯面上，加上蔥花及少許刺身醬油，帶出吞拿魚蓉的鮮美，又能中和光吃魚生的油膩感。 吞拿魚蓉肉質肥美，幼細香滑，軟綿綿的口感加上魚的油香，每一口飯都特別鮮甜美味！丼飯仲會包一款小鉢，今日係涼拌木魚茄子。和風醬油味清清地又低卡，茄子上面仲放有木魚花，清爽又開胃。