SAVVY

今日朋友帶我去尖沙咀海港城太子酒店3樓嘅SAVVY食lunch，lee間餐廳樓底都好高，空間感大，裝修好時尚，仲分左三個區域：酒吧、酒廊及餐廳，餐廳坐得舒服，岩哂聚會。半自助午餐 $288Lee個半自助午餐都好豐富，有冷盤、沙律、冰鎮海鮮、麵包、湯等等，每位一個Main Course仲會有咖啡者茶添。自助區有冰鎮海鮮：有小龍蝦、凍蝦、青口、翡翠螺、辣花甲等等，翡翠螺肉質彈牙有口感，鮮味十足，凍蝦新鮮肥美。仲有好多款亞洲特色沙律，有泰式、日式、中式等等，沙律菜好新鮮，仲有紅菜頭藜麥好好味，湯有中式同西式兩款，芝士款式同麵包款式多。main course 主要係亞洲菜式。我就揀左印式秘製咖喱拼盤（蝦）配烤餅擺盤真係好靚，以一彎半月形傳統印度拼盤碟盛載，份量十足，有幾款唔同辣度甜度嘅咖喱，有咖哩蝦：彈牙嫩滑、咖哩青口、雜菜咖哩，tandoori chicken，另外新鮮現制印式烤餅都好好食，配薄荷乳酪醬或者咖哩汁一齊食一流。燒澳洲西冷配扒意大利青瓜燒薯仔黑椒汁大大件西冷，五成熟很粉嫩，外邊微微焦燶，西冷鮮嫩多汁，肉味香濃。