SOUTH LANE (南里)

Open Now

Now Closed

朋友住喺西環，星期日上佢屋企探佢，之後就喺附近搵咗間Cafe坐低傾偈食lunch。牛油果有機雞蛋多士雞蛋煎到金黃色起邊，流心太陽蛋切開後，蛋汁可以配埋牛油果食，有烘底嘅酸種麵包咬落好軟身，整個配搭非常健康。凱撒沙拉沙律菜好新鮮，糖心蛋火候控制得啱啱好，食落幾滑，salad有好多芝士片，麵包碎都夾，沙律汁唔會好咸，同啲配料食啱啱好，成道菜好開胃。烤腹肉牛排牛排鮮嫩多汁，烤嘅手勢唔錯，保持到肉質嘅彈性，唔會過火。旁邊嘅配菜亦有驚喜，芝士煮椰菜好creamy, 令人印象深刻。Dragon Berry Smoothie飲品賣相非常吸引，即時製作，我親眼望住廚師喺廚房整，成杯野用料非常豐富，有藍莓、香蕉、紅肉火龍果、奇亞籽、椰子片，仲用咗燕麥奶，味道同口感都係我鐘意，完全唔會好heavy。Super Green Smoothie朋友嘅飲品睇落好綠色，佢話飲落都好fresh。餐廳環境舒適，食物健康清新，適合同朋友週末去chill下。