吳留手居酒屋

Open Now

Now Closed

舊同學生日，當然要同佢食返餐，佢喜歡食串燒，我請佢去銅鑼灣嘅吳留手居酒屋慶生。居酒屋有兩層， 裝潢以日式簡約設計。前菜好精緻，海蜇又香又爽口。南瓜粉嫩。酸蘿蔔爽口醒胃。剌身新鮮金目鯛魚油豐潤，口感軟熟，魚皮魚肉同樣鮮香。鮮帶子厚身又細密，味道濃郁鮮甜。深池芽蔥海膽卷，深海池魚爽甜一，味道比一般的池魚更鮮甜，肉質爽更滑肥美!日本芽葱比一般的葱細小，清爽微辛，只有一種淡淡的葱甜味。橙黃色的海膽味道甘甜，質感細膩，幾乎入口即溶。清酒煮蜆，清酒經過煮熱後味道更加香濃，陣陣酒香帶出蜆的鮮味。串燒即叫即燒柚子胡椒雞，雞肉燒得皮脆肉嫩有肉汁，用咗柚子胡椒既調味，鹹香中帶點清新感覺，十分惹味！雞皮，外皮香口帶脆，肉質富彈性。雞尾肥美飽滿，燒出黎好香脆可口，咬落好肥好厚脂肪，油份好香。雞腎有嚼勁嘅口感。日本五花腩，油花分佈均勻，口感豐富，肉味香濃。雞肉丸好大粒，入面加入雞軟骨，食落好有口感，再沾上蛋汁，又有滑嘟嘟口感。厚燒日本煙肉質感豐富，味道濃厚鹹鮮。