燒烤堂

Open Now

Now Closed

呢一間串燒店款式選擇多，種類仲好豐富添而且價錢相宜，位置喺諾士佛台，勁方便容易去。今次Jmie都嗌咗好多款嘢食吖，嗌咗黃花魚，味醂魚乾，燒牛舌，鹽燒和牛牛小排，雞腎雞軟骨，五花籃，燒白鱔，鰻魚炒飯，糖不甩等等等等。特別推介豚肉節瓜波板糖，造型超級可愛，點埋月見汁食更加juicy惹味。燒牛舌,燒雞軟骨,燒牛小排都係Jami特別推介，燒得啱啱好唔會燒得過分柴皮，正呀，食串燒又點少得佢哋呀。原條燒黃花魚有啲驚喜，黃花魚外皮燒得香脆，但係裏面肉質依然好多汁，好食嘅呢。燒海鮮同樣出色，海鮮類方面，推介燒白鱔，芝士燒元貝同埋蒜蓉燒蟶子，呢三款Jami都encore再叫多一round ，海鮮類別新鮮，即叫即燒，而且調味都幾好食。另外，最後仲叫咗個糖不甩燒湯圓做甜品，生啤仲做買一送一，勁抵飲，呢餐真係好滿足呀！