Video
Read full review
2024-11-29
132 views
放工仲要上course，落堂梗係要去鬆一鬆啦！！橫掂響沙田，就過去麗豪酒店飲返杯！麗豪酒店樓下都有幾間食肆，呢間串燒店之前響將軍澳食過，質素都唔錯！沙田舖仲更加大，一樣有齊波枱、鏢機仲有酒game玩～不過我得兩條友，都係食同飲緊要啲！！坐低先叫兩杯moctail……Cranberry Sangria ：有cranberry， Orange juice同7-up，甜甜地有少少果汁味～幾清新～仲大大杯，好解渴！！🥰😂Strawberry ginger lemonade ：一入口就係ginger ale嘅辣味，好刺激！再嚟就飲到strawberry嘅香甜，佢仲有啲新鮮嘅strawberry肉，有咬口又有嘢飲，好味！嚟得串燒吧就梗係要食串燒！肉就一定要嗌上次食過嘅燒白鱔同埋鹽燒雞翼～燒得外脆內嫩好juicy，調味又啱啱好，配嘢飲一流！仲叫咗墨魚丸同台灣腸～菜部有秋葵、脆肉瓜同雞髀菇，全部都交咗少少牛油去燒所以好香亦都好juicy！串燒一定唔少得嘅就梗係燒茄子啦！佢個茄子燒得啱啱好，蒜蓉份量足夠，好惹味！！我仲嗌咗個鐵板黑椒牛舌心，估唔到佢非常軟滑，加咗黑椒好惹味！！唔想全部食熱氣嘢～就嗌咗個清
Cranberry Sangria ：有cranberry， Orange juice同7-up，甜甜地有少少果汁味～幾清新～仲大大杯，好解渴！！🥰😂
Strawberry ginger lemonade ：一入口就係ginger ale嘅辣味，好刺激！再嚟就飲到strawberry嘅香甜，佢仲有啲新鮮嘅strawberry肉，有咬口又有嘢飲，好味！
嚟得串燒吧就梗係要食串燒！肉就一定要嗌上次食過嘅燒白鱔同埋鹽燒雞翼～燒得外脆內嫩好juicy，調味又啱啱好，配嘢飲一流！仲叫咗墨魚丸同台灣腸～菜部有秋葵、脆肉瓜同雞髀菇，全部都交咗少少牛油去燒所以好香亦都好juicy！
串燒一定唔少得嘅就梗係燒茄子啦！佢個茄子燒得啱啱好，蒜蓉份量足夠，好惹味！！
我仲嗌咗個鐵板黑椒牛舌心，估唔到佢非常軟滑，加咗黑椒好惹味！！
唔想全部食熱氣嘢～就嗌咗個清酒煮蜆。份量都比想像中多，而且個清酒調味得好好，蜆亦都好飽滿，啖啖肉！！
放工落嚟chill一chill～想食飽啲可以加個炒烏冬，三五知己，傾下偈～嗒返杯～人生一樂也！🥰
Post
