茶涮涮 (Closed)

去銅鑼灣食午餐冇煩惱，又再次到訪位於百德新街嘅 「茶涮涮Cha Cha Cha」，午餐定食實在太抵食，套餐價錢百幾蚊就已經包括前菜、漬物、沙律、主菜、甜品，而且仲好高質素，之前食過牛肉料理套餐，超級美味，今次就試吓佢哋嘅刺身定食👍🏻👍🏻 ▪️什錦刺身定食 $ 138✨什錦刺身有成七款刺身三文魚、甜蝦、油甘魚、蟹棒，吞拿魚、劍魚、北寄貝，款款厚切新鮮好食，真係性價比超高✨稻庭烏冬可選擇配日本米飯，蕎麥麵或者稻庭烏冬，我就揀咗香滑烏冬，口感幼滑細膩，配合清香嘅鰹魚湯，簡直係最佳拍檔✨新鮮蔬菜蟹肉麻醬沙律～沙律菜和粟米好新鮮，配合蟹柳棒和麻醬沙律汁，開胃的前菜✨青瓜螺肉和泡菜蕃茄漬物和前菜，定期都會唔同，今次這兩款完全啱晒炎炎夏日，好清爽✨麵豉湯～材料滿滿，濃濃麵豉香，清甜好飲✨芝麻雪糕～雪糕亦都好高質素，整球雪糕芝麻味道，雪糕中仍然食到微細的芝麻粒，唔太甜