胡爐 (Closed)

上次食的時候，餐廳係高級單點火鍋，宜家做咗半放題（$298) ，如果要任飲啤酒汽水就每位加多$38，食物仲係保持水準，夠新鮮，所以呢個價真係物有所值！一坐下有個三選一的煲，惹味雞煲、胡爐醉鴨煲、麻辣豬手煲，有五款的海鮮盤、三款手打丸、三種特色餃子，再送一盅佛跳牆和本地製的雪糕，其他仲有30多款免費材料任叫任食！雞煲的雞件好滑！泰式鮮蝦雲吞辣辣地，好特別！XO醬帶子餃好惹味！手打丸子：黑松露墨魚丸、牛肉芝心丸、蝦丸全部都爽口彈牙，個人最愛牛肉芝心丸！澳洲和牛、牛舌、西班牙豬肉啲肉真係真心高質！海鮮拼盤：鮑魚、大顯、卜卜蜆、帶子、海蝦🦞全部新鮮，爽口一人一盅佛跳牆，全部炆到好冧，好入味，大大件脹卜卜廣島生蠔🦪任飲任食嘅肥牛都好高質！厚切冬瓜片，入晒味！海鹽味和蜜瓜味雪糕，大滿足！