胡爐 (Closed)

之前已經試過佢哋嘅高質火鍋，估唔到佢哋半放題都可以做到咁高質，餐廳嘅裝修好有特色，係中國風。依家餐廳做緊優惠，二人同行會送一隻麵包蟹，凍食嘅麵包蟹入邊有滿滿嘅蟹膏，淨係隻麵包蟹已經回晒本。半放題入邊包括海鮮拼盤，牛肉、牛舌同豚肉，仲可以揀全牛或者係全豬。湯底方面都有好多選擇，鍾意食海鮮嘅我，就揀咗胡椒卜卜蜆湯，先食曬入邊嘅蜆，再加湯去打邊爐，佢哋嘅海鮮非常新鮮，拼盤入邊嘅牛，脂肪均勻，好重牛油味，係我最鍾意食嘅。佢哋嘅放題都好高質，有唔同嘅肉類、丸類同蔬菜，最估唔到嘅，仲有任食海鮮。