六小館 (Closed)

難得放平日，就去了朋友介紹東涌的六小館品茶。這裡環境很清靜優雅不似一般茶樓嘈吵，地方亦都整潔乾淨，最意想不到侍應主動為客人拉開櫈給客人就坐。 例牌點了些以為平平無奇、一些懷舊、一些新穎的點心，想不到全部都好有水準感受到是用心挑選食材。蠔皇叉燒包、爆醬蒸鳳爪、山竹牛肉球，唔好以為好普通，食落感覺同一般茶樓不同，牛肉並沒有梳打粉味道食落好滑，鳳爪睇得出有精心挑選過隻隻都肥嘟嘟不會皮包骨咁，唯一要挑剔是叉燒包餡料比較少不夠Juice。懷舊芝麻卷真係冇得頂好甜度適中拿捏得好好又有芝麻味道，完全係兒時回憶返曬嚟。呢個疑似豬大腸既物體就係紅米鮮蝦帶子腸粉，個皮做得好薄….呢個係六小館灌湯餃，渴一口個湯有淡淡花旗參味道完全唔搶喉，內裡有竹笙同整粒瑤柱唔怪得咁清甜。雖然價錢貴了些少，但係值得的食物同環境都值回票價。