Video
Read full review
2024-09-03
331 views
遲就遲咗少少，終於到訪牛大人，試吓佢嘅台灣火鍋吃到飽套餐。揀咗位於旺角瓊華中心嘅分店，環境闊落舒適，平日嘅夜晚都keep住有人等入座。吃到飽套餐分別有三個餐，正價時段由$248- $328，晚上7:30前離座或11點後每位再平$40。我哋點咗最貴嘅澳洲極上和牛餐，120分鐘任點任食。 湯底選擇共有十款，當中仲有啲期間限定湯底，非常有特色。我哋比溫暖開胃嘅台式鳳梨雞鍋吸引咗，入面有好多雞件、蔬菜及銀魚仔，非常足料。 重頭戲當然係佢嘅澳洲極上和牛，真心好好味，非常高質。另外安格斯特選牛板腱、美國SRF黑牛、手切封門柳都好正，冇諗過放題都有呢個質素。 任點任食仲包咗多款海鮮，台灣小食，手工水餃等。當中沙白、大蝦、黑松露海鮮滑、午餐肉、皮蛋豆腐味道都好好。
自助食物區地方闊落，菜類，餃類、丸類、小食、麵食。響鈴仲好細心咁放喺盒入邊，保持香脆，另外要推介和牛丸係超好食，入口非常彈牙juicy。飲品選擇好多，除咗可以喺自助區度拎茶飲、檸檬茶及汽水之外，仲可以利用QR code點選多款台式特飲，例如手搖檸檬茶。值得一題，甜品提供Dreyers嘅朱古力雪糕批及甜筒，相當之高成本。 台式火鍋放題嚟講，呢
遲就遲咗少少，終於到訪牛大人，試吓佢嘅台灣火鍋吃到飽套餐。揀咗位於旺角瓊華中心嘅分店，環境闊落舒適，平日嘅夜晚都keep住有人等入座。
吃到飽套餐分別有三個餐，正價時段由$248- $328，晚上7:30前離座或11點後每位再平$40。我哋點咗最貴嘅澳洲極上和牛餐，120分鐘任點任食。
湯底選擇共有十款，當中仲有啲期間限定湯底，非常有特色。我哋比溫暖開胃嘅台式鳳梨雞鍋吸引咗，入面有好多雞件、蔬菜及銀魚仔，非常足料。
重頭戲當然係佢嘅澳洲極上和牛，真心好好味，非常高質。另外安格斯特選牛板腱、美國SRF黑牛、手切封門柳都好正，冇諗過放題都有呢個質素。
任點任食仲包咗多款海鮮，台灣小食，手工水餃等。當中沙白、大蝦、黑松露海鮮滑、午餐肉、皮蛋豆腐味道都好好。
自助食物區地方闊落，菜類，餃類、丸類、小食、麵食。響鈴仲好細心咁放喺盒入邊，保持香脆，另外要推介和牛丸係超好食，入口非常彈牙juicy。
飲品選擇好多，除咗可以喺自助區度拎茶飲、檸檬茶及汽水之外，仲可以利用QR code點選多款台式特飲，例如手搖檸檬茶。
值得一題，甜品提供Dreyers嘅朱古力雪糕批及甜筒，相當之高成本。
台式火鍋放題嚟講，呢間真係算數一數二性價比好高，鍾意食牛嘅朋友值得一試呀。
Post
