本延鍋物

Open Now

Now Closed

今日同朋友去銅鑼灣行街，行到攰就喺謝斐道見到有呢間主打日本和牛嘅shabu shabu餐廳。門口裝修幾清新，有種日式簡潔嘅風格。正值午市，所以餐廳都有午市套餐。估唔到午市套餐入邊竟然有和牛選擇，即刻吸引我同朋友去試一試。我哋兩個分別叫咗日本黑毛和牛A4赤身同埋日本黑毛和牛A4肩小排呢兩個set。呢個set入邊都幾豐富，除左肉，仲有前菜、白飯、shabu配shabubu料同甜品。我就揀咗壽喜燒湯底，而朋友就揀咗昆布清湯。啲肉一上到枱，即刻令我好驚嘆，呢個價錢竟然可以食到咁高質嘅肉，可以見到肉嘅雪花分布得好平均，同埋份量一啲都唔少。扁小排一放入口，油脂好平均，好軟腍，亦都充滿着牛味，好好食！而且身相對就冇咁油脂感重，但係個牛味就更加濃郁。兩款都好食。而配料方便，就提供咗一啲蔬果同埋蟹柳，令到食起上嚟唔會太膩，清爽返。最後甜品就有兩件蒴餅，質感好好，為成餐畫上一個圓滿嘅句號。整體嚟講，可以用呢個價錢喺銅鑼灣食到和牛，絕對係好抵食。今日同朋友去銅鑼灣行街，行到攰就喺謝斐道見到有呢間主打日本和牛嘅shabu shabu餐廳。