Video
Read full review
2021-10-20
1013 views
坐忘 相信鰂魚涌嘅打工仔都對呢間野都幾熟悉啦。餐廳主打健康飲食，招牌「一日野菜咖哩」，入面包括350克蔬菜量，加上自家製蔬果蓉同咖喱磚熬煮而成嘅咖喱汁。總好過日日食又高糖又有味精嘅快餐。🤩 餐廳選用稻糠餐具，經過高壓同高溫殺菌處理後製成，唔會破壞生態環境。 坐忘呢個名，出自《莊子》。指人忘記外界一切事物，甚至忘記自身存在，控制意志，排除雜念，達到與大自然合而為一的境界。 (由字典提共)呢個係日本人藤田賢太同香港人Koki於日本川崎縣開設「坐忘」嘅原意，其後兩人回港，保留理念，於呢度開設餐廳😬。 豬軟骨野菜咖喱飯 $69 豬軟骨計計埋埋都有五六舊，cp 值好高。豬肉嘅脂肪都好多吓，豬軟骨喺咖喱入面煮得非常耐，質感極之軟腍，軟骨同脂肪嘅位置入口即化，軟骨更食得出啖啖嘅骨膠原。肉嘅質感酥軟，仲有肉汁，亦都炆得非常入味。肥瘦加埋就酥中帶香，好食得太過份啦🤤🤤🤤。 咖喱汁質感較薄，顏色較深，辛香味濃郁得黎又帶蔬果同洋蔥嘅甘甜，味道溫和又熱辣辣。汁量多，撈完飯都有少少剩。碗中較上嘅咖喱汁，奇妙地食落去更加甜，有好明顯嘅蜜糖味，但就係嗰part 特别甜，有D奇怪🤔。 蔬菜有翠玉瓜，紅蘿蔔，西蘭花，枝
相信鰂魚涌嘅打工仔都對呢間野都幾熟悉啦。餐廳主打健康飲食，招牌「一日野菜咖哩」，入面包括350克蔬菜量，加上自家製蔬果蓉同咖喱磚熬煮而成嘅咖喱汁。總好過日日食又高糖又有味精嘅快餐。🤩 餐廳選用稻糠餐具，經過高壓同高溫殺菌處理後製成，唔會破壞生態環境。
坐忘呢個名，出自《莊子》。指人忘記外界一切事物，甚至忘記自身存在，控制意志，排除雜念，達到與大自然合而為一的境界。 (由字典提共)呢個係日本人藤田賢太同香港人Koki於日本川崎縣開設「坐忘」嘅原意，其後兩人回港，保留理念，於呢度開設餐廳😬。
豬軟骨野菜咖喱飯 $69
豬軟骨計計埋埋都有五六舊，cp 值好高。豬肉嘅脂肪都好多吓，豬軟骨喺咖喱入面煮得非常耐，質感極之軟腍，軟骨同脂肪嘅位置入口即化，軟骨更食得出啖啖嘅骨膠原。肉嘅質感酥軟，仲有肉汁，亦都炆得非常入味。肥瘦加埋就酥中帶香，好食得太過份啦🤤🤤🤤。
咖喱汁質感較薄，顏色較深，辛香味濃郁得黎又帶蔬果同洋蔥嘅甘甜，味道溫和又熱辣辣。汁量多，撈完飯都有少少剩。碗中較上嘅咖喱汁，奇妙地食落去更加甜，有好明顯嘅蜜糖味，但就係嗰part 特别甜，有D奇怪🤔。
蔬菜有翠玉瓜，紅蘿蔔，西蘭花，枝豆。切嘅方法好特別，彎彎曲曲咁。欣賞餐廳對蔬菜嘅要求高，食落爽脆，有咬口，唔會烚到淋到冇哂口感(但其實我好鐘意超淋嘅蔬菜XD😅)
白飯方面，加咗南瓜蓉，蘿蔔同栗米入去。
南瓜嘅香氣其實並唔明顯，栗米並都間唔中先食到，所以佢哋嘅作用都有D雞助。
總結，好簡單，係近期食過最好嘅午餐之一。應該之後都會返吓黎回味😋。
豬軟骨野菜咖喱飯
$69
78 views
1 likes
0 comments
Post
