瀛燒居酒屋

Open Now

Now Closed

今日諗住兩個人食番餐好當食團年飯，揀左呢間位於荃灣嘅居酒屋。好彩我地有book 位，因為即使係平日都全場坐滿。團年飯緊係要食得豐盛啲，我地叫左個壽喜燒（牛肉鍋）再加小食同串燒share食。壽喜燒，湯底飲落好甜，牛肉紋理一睇就知係靚牛，入口牛味重，食落口感唔錯。另外加左個烏冬，用黎索晒個湯底，好味道。明太子玉子燒，玉子食落好嫩滑，中間包住滿滿嘅明太子，好足料。我地叫左以下幾款串燒特別推介黑豚腩串，燒得岩岩好，豚腩肥瘦均勻。廣島蠔自家手作雞肉棒，配埋隻蛋錦上添花。明太子雞翼羊架大大隻，啖啖肉又唔蘇，正。白桃特飲，飲到最尾都唔會淡，值得一讚。白啤餐廳無論係環境定食物都一流，價錢亦都合理，下次可以一班朋友再黎幫襯。