SOUTH LANE (南里)

Open Now

Now Closed

來到HKU行吓，先至知道如果冇證件係入唔到嘅，有幾個保安守住，冇證件冇申請，no way，對我來講係第一次入唔到校園，心諗如果行山喺後邊嗰頭又入唔入到呢？一場來到畀咗車錢，咁就附近週圍逛，見到間地鋪坐滿晒人，好，行吓商場先，再來時見到outdoor有位，坐住先，唔係唔知要等幾耐？一人嗌咗份嘢食，其一係1/2 ROASTED FREE-RANGE CHICKEN(半隻香烤澳洲走地雞配香蒜薯條)，其二係 PAN-SEARED BARRAMUNDI(香煎尖吻鱸魚配薯蓉)，鱸魚厚肉兼大件，用咗功夫煎嘅，煎到皮脆肉嫩真係唔錯，薯蓉柔軟味道調較適中，仲有d綠色菜配搭，樣靚味道正；半隻雞都好大隻，遲咗少少時間食，肉質就會冇咁嫩，如果即時食相信會好好多，薯條就正正常常，肯定好味過M記啦。飲品Pineapple Sunshine(新鮮菠蘿汁+椰子水）冇得頂，新鮮可口味道佳。