家賀屋刺身寿司專門店

如果在灣仔要食刺身壽司專門店，這裡絕對係一個好選擇，在這區已開業差不多15年，絕對有一班朋友支持！今晚同朋友上去搵食，久不久都有驚喜，今次就點了個旗本壽司定食，由8款不同口味壽司組成，其中一款由師傅特選時令嘅深海池魚，口感肉質緊實而爽口、入口魚油甘香細膩，其餘都係餐牌預設，分別有超肥美嘅中吞拿魚腩、入口柔軟、味道鮮甜有層次嘅𩶘魚，本鮪赤身醬油漬嘅口感肉質油潤軟滑，魚味濃郁、油甘魚肉質口感幼滑細膩、風味鮮甜、特大赤海老入口肉質緊緻又富有彈力，味道濃厚鮮甜、味道脆嫩，鮮甜美味嘅螺片、自家燒玉子口感紮實豐厚蛋味濃郁，組成旗本寿司定食，再加上日替湯品、沙律、還有香口雞軟骨餃子4件，就係今晚嘅主食，還追加了炸三文魚皮，一啲都唔油，入口香脆，冇魚腥味配埋杯冰凍嘅麒麟一番榨黑白啤，就係絕配！