丼造

Open Now

Now Closed

人係上環放工，失驚無神想食日本野，無理由又出去食㗎，想外賣返屋企食，醒起有一間餐廳主打外賣日本丼飯就行去禧利街直接外賣自取。佢哋款式都幾多有熱嘅丼飯，刺身丼選擇仲多。叫咗一個七色魚生丼同埋蒲燒鰻魚丼拎走。見佢哋超級忙碌，要等一陣，下次可以打電話叫定過嚟攞。七色魚生丼🍣有七色刺身有吞拿魚、三文魚、牡丹蝦、海膽、帶子、鱆紅魚、炙燒鰈魚裙邊，每款都係我鍾意食，勁滿足。蒲燒鰻魚丼 🍱呢個真係有驚喜，我飯返到屋企仲熱辣辣。打開個飯盒條鰻魚勁大條勁肥，超淋超惹味。餸飯一齊食好快就食晒成碗。最緊要都係$79蚊，喺其他地方食起碼過$100。後5分鐘後。