三代目 (港運城)

Open Now

Now Closed

收工同朋友嚟到北角呢間日本料理－三代目。 鐘意呢度坐位夠寬敞，好適合同朋友坐低傾下計。食物選擇亦豐富，今日我地兩個人就一人叫左個麵再加燒魚，天婦羅等等。辛燒豚梅肉拉麵 ＄98 拉麵麵質彈牙，湯底帶點辛辣刺激味蕾，豚梅肉柔軟順滑，一啖湯一啖麵，正呀。豚肉醬油魚介拌麵＄92 麵底加上多款爽口配菜、香蔥、櫻花香等，味道充滿層次，拌起生蛋黃同魚介醬汁更添滋味。燒喜之次＄108 魚肉帶點燒起帶點焦香，鹹加點檸汁鮮味提升。燒一口牛＄38 牛肉非常腍滑，肉味仲好香濃。海之天婦羅(蝦, 鯛魚, 黑松露帶子, 墨魚, 紫蘇葉)＄118天婦羅質素令人喜出望外，炸皮薄得嚟夠脆，質感輕巧唔油膩。最出色係黑松露帶子，外脆內嫩。