慈素小聚

Open Now

Now Closed

出街食飯成日都多肉少菜，想食得健康啲，但係又唔想淡而無味。嚟呢間素食餐廳就啱晒我心意，素食健康之餘都可以享受美食。台式叉燒刈包 $68呢個包好軟熟，裏面夾住塊炸得香脆嘅人造肉扒，仲配香濃叉燒醬嘅素叉燒，個包香脆得來又濕濕地，軟熟得來中間又有啲脆口，味道口感好好。沙嗲牛肉飯$98呢個沙嗲牛肉飯上枱唔講真係唔知係素食，識落口都有九成似。沙嗲醬執超級香濃，有淡淡的花生香氣好好佐飯，重點係牛肉片口感真係好似牛肉，仲配埋牛肉丸添，鍾意食肉又想健康唔食得太多紅肉嘅人食呢個就啱晒過口癮。日式芥辣蝴蝶蝦 $78呢個哈查粉博博，香口脆脆，裏面嘅仿蝦肉爽爽地又真係唔知點解有啲蝦味，配埋日式芥辣醬汁好夾，個味道又真係有幾分似炸蝦。日式半煎炸餃子$48呢個炸餃子揸得好香脆，裏面餡料有冬菇粉絲同埋一啲蔬菜絲，調味啱啱好，絕對唔會係淡而無味，食嘅時候沾上餃子汁風味更加好。忌廉蘑菇濃湯佐菠菜苗$98菠菜苗好嫩冇渣，配上香濃嘅忌廉蘑菇湯，蘑菇嘅香味好濃郁，呢個蔬菜絕對係健康又好食。椰汁雪耳無花果燉湯 $48呢個湯好清甜，真材實料，飲落去好滋潤嘅感覺。