Video
Read full review
2019-12-13
147 views
🥢灣仔非常回味高質海鮮和牛火鍋🥢話曬生日大曬，梗係要食我最愛的打邊爐慰勞一下自己啦，今次就特登搵了一間裝修中式得黎又夠型格的火鍋餐廳，仲有大大個舒服卡位坐得好舒服，空間感一流，如果夠一大班人來仲可以book 埋卡啦ok 房，唱k + 火鍋，玩到癲曬都仲得🥢海鮮龍蝦鍋 酸辣湯底 / 北海道3.6牛乳湯底($168/位，2位起） 🥢今次我地是兩人去食，龍蝦海鮮鍋的二人份量，會包含一盤時令海鮮，一隻即劏新鮮龍蝦，仲有新鮮大大隻大蜆，上檯時仲好生猛，見到蜆肉郁郁下，都知道有幾新鮮，除此之外仲有一人一隻鮑魚，最貼心的係事前將鮑魚去內臟及清潔好，這點細心令我印象加分，海鮮加入牛乳湯底估唔到係咁夾的，令海鮮更鮮甜🥢北海道3.6 牛乳湯底是白雪雪的，上面加入了紅棗枸杞，感覺很養生，初初飲一啖是淡淡的牛乳，但之後落完海鮮後的湯底，吸收了海鮮精華真係不得了，超甜而且很香很鮮，就咁飲下都不自覺飲左一大碗🥢特級和牛拼盤$368(包本地手切肥牛）🥢大大隻龍船盛載了三款牛肉，只睇油花都已經知道有幾好食，中間是日本和牛，油膩平均入口即溶的感覺很幸福，旁邊是本地手切肥牛，只需涮兩下，食落充
🥢話曬生日大曬，梗係要食我最愛的打邊爐慰勞一下自己啦，今次就特登搵了一間裝修中式得黎又夠型格的火鍋餐廳，仲有大大個舒服卡位坐得好舒服，空間感一流，如果夠一大班人來仲可以book 埋卡啦ok 房，唱k + 火鍋，玩到癲曬都仲得
🥢海鮮龍蝦鍋
酸辣湯底 / 北海道3.6牛乳湯底
($168/位，2位起）
🥢今次我地是兩人去食，龍蝦海鮮鍋的二人份量，會包含一盤時令海鮮，一隻即劏新鮮龍蝦，仲有新鮮大大隻大蜆，上檯時仲好生猛，見到蜆肉郁郁下，都知道有幾新鮮，除此之外仲有一人一隻鮑魚，最貼心的係事前將鮑魚去內臟及清潔好，這點細心令我印象加分，海鮮加入牛乳湯底估唔到係咁夾的，令海鮮更鮮甜
🥢北海道3.6 牛乳湯底是白雪雪的，上面加入了紅棗枸杞，感覺很養生，初初飲一啖是淡淡的牛乳，但之後落完海鮮後的湯底，吸收了海鮮精華真係不得了，超甜而且很香很鮮，就咁飲下都不自覺飲左一大碗
🥢特級和牛拼盤$368(包本地手切肥牛）
🥢大大隻龍船盛載了三款牛肉，只睇油花都已經知道有幾好食，中間是日本和牛，油膩平均入口即溶的感覺很幸福，旁邊是本地手切肥牛，只需涮兩下，食落充滿牛肉香氣，最後是和牛粒，帶點點厚實的角切，估唔到都很軟，一咬落去牛肉汁爆發出來的感覺很正
🥢手打四式丸 $108 (8粒）
包括鯪魚球，蝦丸，墨魚丸，牛丸，四款，食落鮮爽彈牙，是手工打的口感
🥢餃子拼盤 $88 (8 件）
雲吞，水餃，韮菜餃，菜肉餃四款，餃子是自家製的，烚完的餃子皮很通透夠薄身，大小剛剛好，最鐘意餃子剛剛好一口一個的大小
🥢特級貴花蚌$148
打邊爐必點的貴花蚌，肉質很爽，灼兩下卷起就食得
🥢炸響鈴$48
呢個真係不得了，即叫即炸，而且響鈴感覺比平時的更重豆味，不知道是否湯底的化學作用，令響鈴味道更好
🥢皇帝菜 $48
顏色翠綠洗得乾淨，放在吸滿海鮮牛肉精華的牛乳湯內真係每條菜食落都好甜
🥢日式小食$15/位（前菜）
日式溫泉蛋煮得剛剛好流心，醬汁加上蛋的清香，蛋味道很重估計用了日本蛋
🥢鍋物醬料$10/位
共有九款醬料可落，我同朋友都異口同聲地覺得呢到的火鍋鼓油調配得很好，用來點任何火鍋配料都很鮮味，濃淡剛好不會蓋過食材的味道，呢個醬油我很喜歡
🥢茗茶$10/位
可以飲熱茶對我來講好重要，呢到除了有傳統中式茶，還有日本喬麥茶
🥢呢個生日飯對我呢個邊爐控來講，很喜歡有靚牛肉同靚海鮮食，而且裝修環境坐得舒服，重點店員的哥哥姐姐都非常好，時常留意客人是否需要換碟，更會細心攞個勺𢳂起鍋入面的泡泡，服務好到有點唔好意思，總括來講是非常滿足的一餐
5 views
0 likes
0 comments
Post
