彤粵菜小館 (Closed)

尖沙咀新開一間新中菜館，對於一個熱愛中菜人來講，喜從天降，真係一大好消息，今日立即班齊人馬過來試菜。首先推薦花膠燉螺頭，鍾意食中菜點會唔鍾意飲湯啊，花膠燉螺頭先$158 ，抵到爛。材料充足，花膠數量眾多，湯水好鮮甜，完全無味精。其次係青咖喱雞配薄餅，份量又多到驚人。青咖喱完全唔辣，椰香味十足，雞肉大大舊，好juicy，唔會太乾身。薄餅配青咖喱汁真係好絕。個薄餅整得好薄身，同埋焗得好鬆脆。最後係個蟹肉銀絲煲，蟹肉同粉絲份量都好足夠，粉絲唔硬，好軟糯，加上粉絲吸收左蟹肉味。令到粉絲好鮮甜。蟹肉都彈牙，以為好鬆散。真係好意外驚喜。 中菜餐廳來講係好有水準，一的都唔大排檔式咁hea。