明記 • 潮鍋 (Closed)

屋企人都好鍾意食海鮮，所以我哋特登book咗明記‧潮鍋同屋企人一齊嚟試吓。當日我哋12點半入座，環境乾淨企理，座位闊落。店員都好用心介紹有咩好食。我哋最後揀咗精選海鮮套餐A同B，另外仲單點咗其他嘢。湯底方面，我哋選咗招牌滷水湯底同胡椒豬骨湯，兩個湯底都好夠味，又唔會太濃，搶咗食材嘅鮮味。飲品方面，屋企人話咗佢嘅巨型凍檸茶，有個熊仔頭冰塊，屋企人一見到就係咁打卡 XD佢哋嘅刺身同海鮮擺盤好靚，D海鮮仲好生猛，屋企人仲話佢用嘅海鮮都係靚野，食到好開心！單點食材方面，我哋叫咗油炸鬼、鵝腸、黑柏葉雜錦菜盤、雜錦菌盤、韭菜餃等。啱啱提到，屋企人特別大讚佢嘅蝦滑、鯪魚滑，話好新鮮好彈牙！總結嚟講，明記‧潮鍋係一間非常適合屋企人聚餐嘅海鮮火鍋店，食材新鮮，環境舒適，服務體貼！特別一提，佢有幾款辣椒油揀，岩哂鍾意食辣既朋友！最後4人埋單折埋就$1300，我覺得計返同出面放題差唔多，但D食材就高質好多！