川舫 (嘉湖新北江商場一期)

Open Now

Now Closed

去天水圍探朋友，知我中意食辣帶我黎新北江商場食川菜🌶呢個商場望落細細但原來可以行到好入，呢間位置一般，係地下果層最入。3點零黎到人流唔算多，可以食個快lunch。🔥手撕雞朋友唔食得好辣，同左姐姐講要小辣，黎到細細碟咁，雞肉撕得好幼身，仲有小小雞皮。食第一啖，原來係用雞脾肉，有啲驚喜，仲有好多蔥花同芫茜，岩晒我。啲花生同黃豆都好脆，如果份量多小小就仲好。😌下次應該要食半隻雞先夠皮。食到最後先覺得有啲辣、小小麻。🔥水煮牛肉又要就番朋友叫左小辣，成碗紅噹噹以為佢比錯辣。原來得個樣，真係小辣黎既😌面頭唔似大陸果啲鋪滿乾辣椒，但小辣都好夠味。牛肉好大塊冇雪味，仲有薯粉黃豆芽係底呢樣超大碗，牛肉比得好大方，送完兩碗飯都仲有。最難得係呢餐食完夜晚冇乜口渴感覺 very good。