大壹燒鵝 (MOSTown Street新港城中心大街(3期))

Open Now

Now Closed

一直都未食過呢間餐廳，直至最近有朋友推介，話呢度嘅小菜非常高質，於是跟佢嚟試吓。今晚叫咗三個小菜，第一個係蒜蓉炒油麥菜，啲菜炒得脆卜卜，質地好爽口，非常好食，而且好翠綠，可能有人會嫌太多油，不過就真係好好食。第二個小菜係例牌燒鵝，呢度既然叫得做燒鵝專門店，對佢嘅燒鵝都有返啲期望。好在都冇令我哋失望，燒鵝真係好香，雖然好多脂肪肥膏，但係真係好滑，醃得好夠味，而且唔會太鹹，我嘅肉質亦控制得好好。第三個係薑蔥魚頭腩煲，嘩呢個真係好驚喜，第一係佢份量非常之大，三個人食完全夠食，而且唔使就住就住。入邊嘅薑及葱都揸得好好食，非常高水準嘅小菜。