楚撚記大排檔 (日富里百好大廈)

Open Now

Now Closed

西環的楚撚記好近地鐵站，行3分鐘就到。星期日的晚上好多人，建議早點訂位，來到就不用等！先叫了個楚撚記原隻炸豬手，熱辣辣，脆卜卜的外皮，好貼心的已把豬手的肉分好成一份一份的，不用自己再切。肉質鮮嫩，皮脆肉嫩，仲要配上泰式酸辣醬或者蜜糖芥茉醬，兩種風味任君選擇。另外叫呢個椒鹽粟米，用上鹹蛋黃再加上椒鹽粉，鹹鹹香香的。再加上粟米自身的甜味，好好食不愧是招牌之一。另外仲叫呢個金銀蛋浸時蔬，份量十分之多，皮蛋也有一整隻，好抵食！最後仲有甜品，是熱的番薯糖水但是也不馬虎，番薯有兩三舊，糖水仲加了點薑，咁冰涼的天氣食就啱晒！