鋿晶館

Open Now

Now Closed

第一次試呢一間上環嘅中菜，原來都佔整棟樓嘅兩層。最底層有個reception，會安排好已經預訂咗嘅Booking，分派你去正確嘅枱號，非常organize。今次我哋兩個人試咗四道餸，頭盤蜜汁叉燒配海蜇。叉燒做到半肥瘦，肉質非常鮮嫩，配搭個蜜汁甜甜地非常Juicy。另外海蜇亦都口感彈牙。第二道餸係意大利黑醋豬柳，黑醋汁配搭紅椒黃椒，另外個豬柳口感亦都有啲似咕嚕肉，但係個醬汁非常特別，豬柳煎過之後亦都唔會好嚡，肉質依舊保持鮮嫩。第三道餸我非常滿意，餐廳亦都好仔細幫你挑走晒所有腸，隻中蝦都好鮮甜好大隻！最後一道餸清清地，一定要食嘅菜，瑤柱蛋白海皇扒豆苗，豆苗好鮮甜，瑤柱亦都好足料，冇沙得嚟，仲要成碟都係！