日見 (Closed)

今次試咗呢間係尖沙咀嘅omakase「日見」 整體滿意 食材新鮮 有驚喜 服務周到 價錢合理。1480嘅餐入邊 亦都不乏有我最鍾意嘅海膽 大拖 仲有手掌咁大嘅日本生蠔 令我最記得嘅係「海盛壽司」 望住師傅一層層魚生海鮮咁樣加上去 唔知佢幾時停 十分有驚喜 食落去啖啖滿足 特別一提嘅係醋飯 係粉紅色的 師傅話有降血脂嘅功效 味道同溫度都不錯 聽師傅講佢為我哋安排壽司嘅次序 會同出面有少少唔同 次序會係一淡一重 刺激我哋嘅味蕾 仲特登同我哋講每一件壽司都唔需要點豉油 食得出佢每件壽司都已經調好味 非常有心思 整體高質服務方面 服務員主動同我哋添加熱茶 師傅亦都好友善 問我哋有咩唔食 有咩想食 放上新嘅壽司之前都會幫我哋抹碟 亦會同我哋傾偈互動 基本招呼都做到晒 聽講間餐廳剛剛翻新 換上全新班底 更名為日見 因為係新餐廳關係 book位相對容易 環境舒服清靜 下次一定會再encore