備長

Open Now

Now Closed

今次嚟到銅鑼灣呢間居酒屋，菜式高質，選擇夠多；環境舒適，啱晒同朋友食嘢傾計。 備長卷招牌卷物，有海膽、吞拿魚蓉、三文魚籽，好鮮味，大滿足！ 法國鵝肝多士不得了！鵝肝入口即溶，加咗蔥花完全唔膩，配上香脆焗多士，係必食之選。 自家製免治雞肉棒雞肉加雞軟骨好有口感，蘸上日本蛋醬油，夠晒香滑。 雞皮/雞腎/雞軟骨/牛舌厚切/荔枝豬肉卷雞皮香脆、雞腎脆口，雞軟骨隨咗軟骨部份，亦有軟腍嘅雞肉。推介牛舌，牛嘅香味濃郁，軟嫩得嚟彈牙爽口。荔枝豬肉卷火喉啱啱好，荔枝酸甜清新。 牛肉稻庭烏冬味道濃郁，熱辣辣嘅烏冬好暖胃，唔太食到生牛肉嘅可以將牛肉浸耐啲，唔怕太老。 雜錦天婦羅炸醬薄身脆口，剛煮好嘅天婦羅汁富鰹魚味，食材亦夠新鮮。