古今二 (觀塘工業中心)

Open Now

Now Closed

今次又去到觀塘工廈搵食。觀塘工廈真係有好多好野食。龍卷風沙律。沙律菜好新鮮爽口。有好多蟹柳絲。下面仲收埋左中華沙律。味道出奇地夾。仲加左蟹籽同薯卡碎增加口感。鹽燒活鰻。網燒牛舌。活鰻好厚肉。食落好爽口彈牙。皮燒得好脆口。睇得出燒功一流。牛舌係薄燒。質感綿軟。辣妹。炸蝦芝士卷上面仲放左辣味吞拿魚。個炸蝦超脆口。連條尾個殼都食得。材料配搭上互相補足味道和諧。蟹膏帶子炒飯。炒飯香口食到微微蟹膏香味。仲見到好多帶子粒。估唔到日式店都可以炒到咁有鑊氣。