遇見您

Open Now

Now Closed

同老公行行下街，肚餓時見到呢間西餐廳就入去食野，有下午茶餐。我就點左$48白汁芝士通心粉忌廉味重，通心粉面鋪滿芝士，仲可以拉絲，芝士份量係1:1我第一次食白汁芝士通心粉，可以咁有驚喜。呢個價錢係值得既必食推介：野菌忌廉酥皮濃湯配松露油打開塊酥皮，陣陣松露香味撲鼻，每一啖好重菇菌味，超濃厚，我建議食左酥皮湯再食通心粉必食推介仲有芝士鮮茄焗厚切豬扒飯$108第一啖食得出鮮蕃茄味，亦有濃縮茄膏，芝士鋪滿整個焗飯，最重要塊豬扒，係厚切，唔痴牙，咬第一啖食得出食新鮮豬扒，而且餐廳好貼心，將一大塊豬扒切成一小塊，方便進食呢間餐廳有埋甜品食，我就簡左好少地方食到既焗法式啤梨撻配雪糕球$78。啤梨撻內有好大粒甜蜜蜜既啤梨，配上原味雪糕好夾。我覺得呢樣甜品都要列入必食推介。