Video
Read full review
2022-07-24
3215 views
西環Feather & Bone門面非常搶眼，係一間L型高樓底玻璃屋。1. 牛扒牛扒分別點咗Hanger steak、Ribeye with bone以及Picanha。Hanger steak即係喺火鍋店常見嘅封門柳，近年喺網上非常多人推介，佢嘅特色係肉味非常非常濃郁，呢排都唔例外，入口淡淡牛味， 十分滿足。Ribeye with bone正常發揮，肉類帶骨通常會有比較強嘅脂香感，呢塊油香非常充足。Picanha非常有驚喜，呢個部位通常用嚟整意粉用，免曾有口口油脂，而用來做牛扒，我哋特別叫廚師將脂肪部分燒焦一點啲，食到焦脆口感之餘，亦都冇咁容易食膩。2. 牛肉他他牛肉他他主要係食食材嘅新鮮度，基本上食材高質，菜式味道已經有保證。生牛肉未必每個人都能夠接受，但主廚喺處理菜式時，將牛肉切得好細碎，配合生蛋黃、配菜、香料，成個菜式立即昇華咗，入口亦都無牛肉嘅任何腥味，口感非常綿滑細緻！3. 牛骨髓全晚最令人驚艷嘅菜式，就係呢道牛骨髓。牛骨髓成份主要係脂肪，就咁入口會非常肥膩，但主廚將佢燒得有點焦，口感外脆內軟，最畫龍點睛嘅係加咗少少松露醬，中和牛骨髓過重嘅脂香感，味道非常之平衡，推介！
1. 牛扒
牛扒分別點咗Hanger steak、Ribeye with bone以及Picanha。
Hanger steak即係喺火鍋店常見嘅封門柳，近年喺網上非常多人推介，佢嘅特色係肉味非常非常濃郁，呢排都唔例外，入口淡淡牛味， 十分滿足。
Ribeye with bone正常發揮，肉類帶骨通常會有比較強嘅脂香感，呢塊油香非常充足。
Picanha非常有驚喜，呢個部位通常用嚟整意粉用，免曾有口口油脂，而用來做牛扒，我哋特別叫廚師將脂肪部分燒焦一點啲，食到焦脆口感之餘，亦都冇咁容易食膩。
2. 牛肉他他
牛肉他他主要係食食材嘅新鮮度，基本上食材高質，菜式味道已經有保證。生牛肉未必每個人都能夠接受，但主廚喺處理菜式時，將牛肉切得好細碎，配合生蛋黃、配菜、香料，成個菜式立即昇華咗，入口亦都無牛肉嘅任何腥味，口感非常綿滑細緻！
3. 牛骨髓
全晚最令人驚艷嘅菜式，就係呢道牛骨髓。
牛骨髓成份主要係脂肪，就咁入口會非常肥膩，但主廚將佢燒得有點焦，口感外脆內軟，最畫龍點睛嘅係加咗少少松露醬，中和牛骨髓過重嘅脂香感，味道非常之平衡，推介！
Post
